Barça e pandalshme, vazhdon në krye (VIDEO)

22:34 | 23 Shtator 2017
Arbresh Info

Barcelona ka nisur sezonin e ri në La Liga në formë të shkëlqyer dhe vazhdon të jetë në krye të tabelës.

Gjiganti katalunas ka regjistruar fitore me rezultat të thellë 0 me 3 në ndeshjen e xhiros së gjashtë në kampionatin spanjoll kundër Gironas mbrëmjen e së shtunës, shkruan portali arbresh.info.

Pas dy autogolave nga Girona, Aday (17′) dhe Gorka Iraizoz (48′), “Blaugranët” shënuan golin e tretë dhe të fundit në Estadi Montillovi përmes superyllit Luis Suarez.

Luis Suarez shënoi gol në paraqitjen e 100-të në La Liga

Sulmuesi uruguaian shënoi golin e 87-të në paraqitjen e tij të 100-të në La Liga. 30-vjeçari realizoi gol të bukur pas një kundërsulmi të shpejtë të organizuar nga skuadra e tij.

Barcelona, me rekord të plotë deri tani në La Liga duke fituar gjithçka, qëndron në krye të tabelës me 18 pikë, katër më shumë se Atletico Madridi në pozitën e dytë./arbresh.info/

https://streamable.com/67lnx

https://streamable.com/99i2h